اسلام آباد،خیبر پختونخوا،پنجاب اور بلوچستان کے اکثر علاقوں میں بارش ،سردی میں اضافہ ہوگیا۔بارش کے باوجود پنجاب کے مختلف علاقوں میں دھند کا سلسلہ برقرار ہے ، موٹر وے کو کئی مقامات پر بند کر دیا گیا، محکمہ موسمیات کے مطابق آئندہ چوبیس گھنٹوں کے دوران ملک میں کے کئی شہروں میں بارش کا امکان ہے ۔جس سے پنجاب کے میدانی علاقوں میںشدید دھند، اسموگ کے دورانیے میں کمی کا امکان ہے۔ترجمان موٹر وے کے مطابق پنجاب بھر میں دھند کی سبب حد نگاہ کم ہونے کی وجہ سے موٹر وے کو کئی مقامات پر بند کردیا گیا ہے۔ترجمان کے مطابق ایم 3 پنڈی بھٹیاں سے فیصل آباد، ایم 4 فیصل آباد سے گوجرہ تک موٹر وے بند کردی گئی ہے۔
