پاکستان تحریک انصاف کے رکن قومی اسمبلی داور کنڈی نے کہا ہے کہ عمران خان نے انہیں بغیر موقف سنے پارٹی سے نکال دیا . تحریک انصاف مخالف گروپ کے سربراہ اکبر ایس بابر سے ملاقات کے دوران ان کا کہنا تھا کہ انہیں اپنی صفائی پیش کرنے کا موقع نہیں دیا گیا جس کا انہیں دکھ ہے ۔ انہوں نے کہا کہ اکبر ایس بابر سے ملاقات میں اہم امور پر گفتگو ہوئی ہے اور بہت جلد مستقبل کے حوالے سے لائحہ عمل مرتب کر لیا جائے گا ۔
