اصغر خان کیس،کسی سے پیسے نہیں لئے ،نواز شریف

اسلام آباد.. سابق وزیر اعظم نواز شریف نے اصغر خان کیس میں آئی ایس آئی اور مہران بینک کے مالک یونس حبیب سے پیسے لینے کی تردید کردی۔سپریم کورٹ نے نواز شریف، جاوید ہاشمی، عابدہ حسین سمیت 21 شہریوں کے علاوہ سابق فوجی افسران، ڈی جی نیب اور ایف آئی اے سے جواب طلب کیا تھا۔عدالتی نوٹس پر نواز شریف نے تحریری جواب سپریم کورٹ میں جمع کرا دیا۔ 4 صفحات پر مشتمل تحریری جواب میں نواز شریف نے موقف اختیار کیا کہ 1990 کی دہائی میں الیکشن مہم کے لئے آئی ایس آئی سے کوئی رقم نہیں لی۔ یونس حبیب یا ان کے کسی نمائند سے بھی کوئی رقم نہیں لی۔ ایف آئی اے کو بھی 14 ستمبر 2015 کو بیان ریکارڈ کراچکا ہوں۔