اسلام آباد.. تحریک انصاف کے سربراہ عمران خان نے کہا ہے کہ وزیر اعظم اوروزیر داخلہ فوری طور پرمستعفی ہوجائیں۔ وزیر قانون کو پہلے ہی ذمہ داری قبول کرتے ہوئے مستعفی ہو جانا چاہئیے تھا۔ ایک بیان میں ا نہوںنے کہا کہ اب وقت آگیا کہ شریف خاندان کا کٹھ پتلی وزیراعظم اپنے وزرا سمیت گھر جائے اور ملک میں قبل ازوقت انتخابات کرائے جائیں۔انہوں نے کہا کہ حکومت نے ختم نبوت کے معاملے پر را جہ ظفر الحق کمیٹی کی رپورٹ جاری کرنے اور ذمہ داروں کے خلاف کارروائی کا وعدہ کیا تھا لیکن حکومت نے ذمہ داروں کے خلاف کارروائی نہ کرکے اپنی غلطی پر پردہ ڈالنے کے تاثر کو تقویت دی اور خود ثابت کردیا کہ نیوز لیکس کی طرح ختم نبوت جیسے حساس معاملے سے بھی جان بوجھ کر چھیڑ چھاڑ کی گئی۔ انہوں نے کہاکہ حکومت نے ہرقیمت پر شریف خاندان کی کرپشن بچانے کا تہیہ کررکھا ہے۔ چاہے اس کے لئے عدم استحکام کی صورتحال پیدا ہو یا جمہوریت کا خون بھی ہوجائے۔ انہوں نے کہا کہ کسی صورت کرپٹ لوگوں کو بچنے نہیں دیں گے۔
