نگران حکومت نے پٹرولیم مصنوعات کی قیمتوں میں اضافہ کردیا، قیمتوں میں اضافے کی سمری وزارت خزانہ کی طرف سے وزیراعظم کو بجھوائی گئی تھی۔
تفصیلات کے مطابق پٹرول کی قیمت میں 4 روپے فی لٹر اضافہ کردیا گیا جس کے بعد پٹرول کی نئی قیمت 4 روپے اضافے کے ساتھ 91 روپے 96 پیسے ہو گئی۔ ڈیزل کی قیمت میں 6 روپے 55 پیسے فی لٹر اضافہ، ڈیزل کی نئی قیمت 105 روپے 31 پیسے مقرر، مٹی کا تیل 4 روپے 46 پیسے فی لٹر مہنگا کردیا گیا، مٹی کے تیل کی نئی قیمت 84 روپے 34 پیسے مقرر۔واضح رہے کہ اوگرا نے یکم جون سے پیٹرول کی قیمت 8 روپے 37 پیسے، ڈیزل ساڑھے 12 روپے اور تیل 8 روپے 30 پیسے فی لیٹر مہنگا کرنے کی سفارش کی تھی۔ن لیگ کی حکومت میں اوگرا نے پیٹرولیم مصنوعات کی قیمتوں میں اضافے کی سمری ارسال کی تھی تاہم حکومت نے اس کا فیصلہ آنے والی نگران حکومت پر چھوڑدیا تھا۔