پشاور: پی ٹی آئی کے رہنما نے اپنی ہی جماعت کے ایک امیدوار پر سخت الزام عائد کردیا۔ ذرائع کے مطابق پاکستان تحریک انصاف کے سابق رکن صوبائی اسمبلی فضل الٰہی نے اپنی ہی پارٹی کے ایک انتخابی امیدوار پر ڈرگ ڈیلرز کے ساتھ وابستگی کا الزام لگایا ہے۔انہوں نے دعویٰ کیا کہ پشاور کے حلقہ پی کے 79 پر پی ٹی آئی نے منشیات کا کاروبار کرنے والے شخص کو ٹکٹ دیا ہے جس کے ثبوت وہ پارٹی چیئرمین کو فراہم کریں گے۔ واضح رہے کہ آئندہ ماہ ہونے والے عام انتخابات میں پشاور سے قومی اسمبلی کی 5 اور صوبائی اسمبلی کی 14 نشستوں پر مقابلہ ہوگا۔