عید الفطر کے موقع پر سینما گھروں میں پاکستانی فلموں کا راج۔ فلمی شائقین کا زبردست جوش و خروش۔
ہالی وڈ فلموں کی نمائش کے باوجود پاکستانی فلموں نے تگڑا بزنس کیا۔ عید الفطر کی چھٹیاں، شہر کے سینما گھروں میں کھڑکی توڑ رش۔ فلم بینوں کی بڑی تعداد نے سینما گھروں کا رُخ کیا۔ ہالی وڈ فلموں کی نمائش کے باوجود پاکستانی فلموں نے بڑا بزنس کیا۔ فلم ”سات دن محبت اِن“ نے تین دنوں میں4 چار کروڑ روپے کمالیے۔ مزاح اور رومانس سے بھرپور فلم کی کاسٹ میں اداکارہ ماہرہ خان اور شہریار منور سمیت دیگر فنکار شامل ہیں۔ فلمسٹار معمر رانا کی فلم ”آزادی“ نے 2 کروڑ روپے کا بزنس کیا۔ کشمیری مجاہد کی زندگی پر مبنی اس فلم کو شائقین نے بہت پذیرائی دی۔ اسی طرح سعیدہ امتیاز کی فلم ”وجود نے بھی2، کروڑکا ہی بزنس کیا۔ فلم” وجود“میں لیجنڈ فنکار ندیم بیگ اورشاہد طویل عرصے بعد پردہ سکرین پرجلوہ گرہوئے۔ فلمسٹار جاوید شیخ کی اداکاری کو بھی شائقین نے خوب سراہا۔ بڑے بجٹ کی پاکستانی فلم “بینڈ باجا نہ باراتی ” فلاپ ہوگئی۔