امریکہ کے سفر میں محتاط رہیں ، چین

بیجنگ۔۔۔امریکہ سے تجارتی تنازعہ کے دوران چین نے اپنے شہریوں کو امریکہ میں سفر کے دوران محتاط رہنے کی ہدایت کر دی۔بد ھ کو واشنگٹن میں چینی سفارتخانے کی جانب سے اپنے شہریوں کیلئے جاری کردہ انتباہ نامے میں کہا گیا کہ امریکہ میں سیکیورٹی صورتحال بہت خراب ہے،فائرنگ سے ہلاکتیں،چوریاں،ڈکیتیاں عام ہیں،امریکی کسٹم ایجنٹ بلاوجہ تلاشی لیتے ہیں اور چینی شہریوں کا سامان قبضے میں لے لیتے ہیں۔انتباہ میں کہا گیا کہ امریکہ میں فراڈ کرنا عام سی بات ہے اور اس کیساتھ ساتھ قدرتی آفات کا بھی بہت خطرہ ہے۔چینی سفارتخانے کی جانب سے کہا گیاہے کہ امریکی سفر کے دوران چینی شہریوں کو مہنگے میڈیکل بل بھی ادا کرنے پڑ سکتے ہیں،وہ امریکہ میں سفر کے دوران مشتبہ افراد سے محتاط رہیں اور رات کو اکیلے میں سفر سے گریز کریں۔