خاتون اول بشریٰ عمران کا لاہور میں دارالشفقت کا دورہ، بچوں کیلئے کھانے کا انتظام

لاہور: وزیراعظم عمران خان کی اہلیہ بشریٰ عمران آج لاہور میں واقع دارالشفقت پہنچیں، جہاں وہ بچوں کے ہمراہ دوپہر کا کھانا کھائیں گی۔خاتون اول کے ہمراہ ان کی قریبی سہیلی فرح خان بھی موجود ہیں۔بشریٰ عمران نے دارالشفقت میں بچوں کو میسر سہولیات اور دیگر انتظامی امور کا جائزہ بھی لیا۔دارالشفقت میں موجود ایک بچے کی بیماری کا سن کر انہوں نے بچے کے علاج پر اٹھنے والے تمام اخراجات بھی اپنے ذمہ لے لیے۔ذرائع کا کہنا ہے کہ وزیراعظم کی اہلیہ نے دارالشفقت میں یتیم بچوں کے لیے کھانے کا اہتمام کیا ہے اور آج وہ بچوں کے ساتھ وقت گزاریں گی۔واضح رہے کہ بشریٰ عمران کا خاتون اول بننے کے بعد یہ پہلا دورہ ہے۔