دبئی ٹیسٹ: حارث سہیل اور اسد شفیق کی آسٹریلیا کے خلاف پراعتماد بیٹنگ

دبئی: پاکستان نے آسٹریلیا کے خلاف دبئی ٹیسٹ کے دوسرے روز 4 وکٹوں کے نقصان پر 341 رنز بنالیے اور مڈل آرڈر بلے باز حارث سہیل اور اسد شفیق نصف سنچریوں کے ساتھ کریز پر موجود ہیں۔دبئی کرکٹ اسٹیڈیم میں قومی ٹیم نے اپنی نامکمل اننگز کا آغاز 255 رنز تین وکٹوں کے نقصان سے دوبارہ شروع کیا تو حارث سہیل اور محمد عباس کریز پر موجود تھے۔دونوں بلے بازوں نے مجموعی اسکور میں 5 رنز کا اضافہ ہی کیا تھا کہ محمد عباس پیٹر سڈل کی گیند پر کلین بولڈ ہوگئے، وہ 26 گیندوں پر ایک رنز ہی بنا سکے۔چوتھی وکٹ پر حارث سہیل اور اسد شفیق کریز پر موجود ہیں اور دونوں بلے باز اپنی نصف سنچریاں بھی مکمل کرچکے ہیں۔