تارکین وطن آزادکشمیر کا فخر ہیں ہر ممکن سہولیات فراہم کرینگے فاروق حیدر

وزیراعظم آزادکشمیر راجہ محمد فاروق حیدرخان نے کہا ہے کہ تارکین وطن آزادکشمیر کا فخر ہیں جنہوں نے ذاتی بل بوتے پر دیارغیر میں اپنا مقام پیدا کیا اوربڑی تعداد میں ملکی ترقی میں اپنا حصہ ڈالنے کے ساتھ ساتھ آزادکشمیر کے ساتھ اپنا رشتہ مظبوط بناے ہوے ہیں اورسیز بزنس مین کیمونٹی کو ہر ممکن سہولیات فراہم کرینگے ان خیالات کا اظہارانہوں نے یوکے کی ممتاز کاروباری شخصیت راجہ اعجاز محمود کی جانب سے اپنے اعزاز میں دیے گئے استقبالیہ سے خطاب کرتے ہوے کیا اس موقع پر تارکین وطن کاروباری شخصیات کی بڑی تعداد موجود تھی وزیراعظم نے کہا کہ آزادکشمیر کے تارکین وطن نے یورپ بالخصوص برطانیہ میں اپنا بھرپور کردارادا کیا اورآج ان کے اثرورسوخ کی وجہ سے مقبوضہ کشمیر میں ہونیوالی بھارتی دہشت گردی بھی بے نقاب ہورہی ہے اعجاز محمود جیسے لوگ جنہوں نے اپنی ذاتی محنت اہلیت صلاحیت کے بل بوتے پر دیارغیرمیں اپنا مقام بنایا حکومت اوسیز انوسٹمنٹ کو تحفظ دینے کے لیے قانون سازی کریگی سرمایہ کاری سے نوجوانوں کے لیے روزگار کے مواقع کھلیں گے۔انہوں نے کہاکہ  ہماری حکومت کی ترجیح ہے کہ ذرائع روزگار میں اضافہ کیا جاے اس کے لیے سیاحت اورانڈسٹری کا فروغ ناگزیر ہے سیاحتی شعبہ میں سرمایہ کاری کے وسیع مواقع ہیں جس سے استفادہ حاصل کرنے کے لیے حکومت تمام وسائل بروے کارلائیگی اس موقع پر اعجازمحمود نے وزیراعظم آزادکشمیر کا شکریہ اداکرتے ہوے کہا کہ راجہ محمد فاروق حیدرخان عاجزی اورانکساری سے بھرپورشخصیت ہیں جن سے ملکر ہمیشہ خوشی ہوتی ہے ان کے ساتھ ملکر آزادکشمیر کی ترقی خوشحالی کے لیے اپنا بھرپورکرداراداکریں گے۔