ملک کے مختلف علاقوں میں آج سے بارش اور برف باری کے نئے سلسلے کی پیشگوئی

ملک کے مختلف علاقوں میں آج سے بارش اور برف باری کے نئے سلسلے کی پیش گوئی کی گئی ہے۔محکمہ موسمیات کے مطابق آج شام سے مغربی ہواؤں کا کم دباؤ ملک میں داخل ہوگا۔محکمہ موسمیات کے مطابق مالاکنڈ، پشاور، مردان، سرگودھا، گجرانوالا، فیصل آباد، لاہور اور اسلام آباد میں بارش برسے گی۔جبکہ گلگت بلتستان اور کشمیر میں پہاڑوں پر برف باری کا امکان ہے۔دوسری جانب کراچی میں آج بادل چھائے رہیں گے، شہر میں کل ہلکی بارش کا امکان ہے۔