اسلام آباد: وفاقی وزیر اطلاعات فواد چوہدری کا سابق وزیراعظم نواز شریف کی سزا معطلی کیخلاف نیب کی اپیل خارج ہونے پر کہنا ہے کہ سپریم کورٹ کا فیصلہ قانونی طور پر بالکل درست ہے۔اپنے ٹوئٹر بیان میں فواد چوہدری نے کہا کہ ضمانت کی منسوخی کے لیے غیر معمولی وجوہات درکار ہوتی ہیں اور اس فیصلے سے عملی صورتحال میں کوئی تبدیلی نہیں آئی۔فواد چوہدری نے کہا کہ نواز شریف کی سیاست ہمیشہ کے لیے ختم ہو چکی ہے، (ن) لیگ ایک اہم سیاسی جماعت ہے انہیں نئی قیادت منتخب کرنی چاہیے۔یاد رہے کہ سپریم کورٹ نے سابق وزیراعظم نواز شریف، مریم نواز اور کیپٹن (ر) صفدر کی ایون فیلڈ ریفرنس میں سزا معطلی کے خلاف نیب کی درخواست خارج کردی ہے۔
نوازشریف کی سزا معطلی: سپریم کورٹ کا فیصلہ بالکل درست ہے: فواد چوہدری
