پاکستان نے مقبوضہ کشمیر میں بھارتی فورسز کے مظالم کی شدید مذمت کرتے ہوئے کہاہے کہ بھارتی فورسز کے ہاتھوں پانچ کشمیری نوجوانوں کی شہادت غیر انسانی فعل ہے۔ ایک بیان میں دفتر خارجہ ترجمان نے کہاکہ مقبوضہ کشمیر کی برف خون سے لال ہو چکی ہے۔ترجمان نے کہا کہ پاکستان کشمیر میں جاری بھارتی ریاستی دہشت گردی کی شدید مذمت کرتا ہے۔ترجمان نے کہاکہ کلگام میں بھارتی فورسز کے ہاتھوں پانچ کشمیری نوجوانوں کی شہادت غیر انسانی فعل ہے۔ ترجمان نے کہا کہ بھارت بے حسی سے کشمیریوں کی قتل وغارت جاری رکھے ہوئے ہے۔ ترجمان نے کہا کہ بھارت افضل گرو اور مقبول بٹ کی پھانسیوں کے سالوں بعد بھی انصاف کے تقاضوں کی کھلے عام دھجیاں اڑا رہا ہے۔