بھارتی فوج نے جنوبی ضلع پلوامہ میں دو کشمیری نوجوانوں کو شہید کر دیا

پلوامہ اور شوپیاں اضلاع میں موبائل فون اور انٹرنٹ سروس معطل کر دی گئی
ترال میں دوران محاصرہ دو اور اوڑی میں4 نوجوانوں کو گرفتار کر لیا گیا

سری نگر بھارتی فوج نے جنوبی ضلع پلوامہ میں دو کشمیری نوجوانوں کو شہید کر دیا ہے ۔ فوج نے جمعہ کو پلوامہ کے کئی علاقوں کو محاصرے میں لے کر تلاشی مہم شروع کی تھی ۔ اونتی پورہ کے برائو بنڈنہ گائوں میں فوج، سی آر پی ایف اور ایس او جی اہلکاروں نے دوران محاصرہ دو نو جوانوں کو گولی مار کر شہید کر دیا۔ان مین عرفان احمد ڈیگو عرف ابو زرار ساکنہ نائینہ لیتر پلوامہ اور تصدق امین شاہ ساکنہ کدلہ بل پانپور شامل ہیں ۔ اس واقعے کے بعد بڑے پیمانے پر احتجاجی مطاہرے شروع ہو گئے ہیں ۔ ۔ کے پی آئی کے مطابق ادھر ترال میں بھی محاصرہ کرکے تلاشی مہم شروع کر دی گئی ہے اس علاقے سے دو گریجویٹ طالب علم شولت احمد لون اور ندیم احمد وگے کو گرفتار کر لیا گیا ہے ۔ جنوبی ضلع پلوامہ اور شوپیاں اضلاع میں موبائل فون اور انٹرنٹ سروس معطل کر دی گئی ہے ۔ ادھر بھدرواہ ٹاون سے ایک خاتون کی لاش برامد ہوئی ہے ۔ بھارتی فوج نے اوڑی میں 4 نوجوانوں 22سالہ عادل احمد ڈار ولد غلام حسن ڈار ساکنہ ہردو ہانگیر یاری پورہ ،کولگام،19سالہ طاہر شمیم لون ولد شمیم احمد لون ساکنہ کاپرن شوپیان،18سالہ سمیر بٹ ولد غلام حسن بٹ ساکنہ سیر داری سوپور اور 19سالہ نوید پراولد غلام نبی پرا ساکنہ تاپر پٹن کو گرفتار کر لیا ہے ۔