Site icon روزنامہ کشمیر لنک

عظیم لوک فنکار عالم لوہار کو ہم سے بچھڑے 40 برس بیت گئے

چمٹے کی منفرد دھنوں اور بے مثال آواز کے جادو سے مداحوں کو محسور کرنے والے عظیم لوک گلوکار عالم لوہار کو مداحوں سے بچھڑے 40 برس بیت گئے۔

بے مثل و بے بدل لوک فنکار عالم لوہار یکم مارچ 1928 کو گجرات کے ایک نواحی گاؤں آچھ گوچھ میں پیدا ہوئے، انہوں نے کم عمری سے ہی گلوکاری کا آغاز کردیا تھا۔

عالم لوہار ’چمٹا‘‘ ان کی منفرد پہچان بنا، وہ گانے کے دوران لے کو برقرار رکھنے کے لیے چمٹا استعمال کرتے تھے، انہوں نے چمٹے کو بطور میوزک انسٹرومنٹ متعارف کروایا، ان کا یہ منفرد انداز ان کی خاص شناخت بن گیا ۔

’ہیر وارث شاہ‘ کے کلام نے عالم لوہار کو شہرت کی نئی بلندیوں پر پہنچا دیا۔ انہوں نے ہیر وارث شاہ کو موسیقی کی 30 سے زائد اصناف میں گا کر ایسا ریکارڈ بنایا جو کہ آج بھی پنجاب کی مٹی میں خوشبو کی مانند رچا بسا ہے۔

Exit mobile version