اسلام آباد: وزیراعظم عمران خان نے چین کے سابق وزیراعظم لی پنگ کے انتقال پر افسوس کا اظہار کیا ہے۔ترجمان دفتر خارجہ ڈاکٹر محمد فیصل نے سوشل میڈیا پر اپنے ٹوئٹ میں لکھا کہ وزیراعظم عمران خان نے چین کے سابق وزیراعظم لی پنگ کے انتقال پر اظہار تعزیت کیا ہے، سابق چینی وزیراعظم نے چین کی ترقی اور خوشحالی سمیت خطے میں امن قائم رکھنے کے لئے اہم کردار ادا کیا۔ترجمان دفتر خارجہ نے لکھا کہ لی پنگ پاکستان کے ایک مخلص دوست تھے جنہیں پاکستان اور چین کی دوستی کو مضبوط کرنے میں زبردست کردار ادا کرنے پر ہمیشہ یاد رکھا جائے گا۔سابق چینی وزیراعظم لی پنگ چین کے دارلحکومت بیجنگ میں پیر کے روز شدید علالت کے باعث انتقال کر گئے۔انہوں نے 1980 سے لے کر 1990 تک اعلیٰ عہدوں پر لازوال خدمات انجام دیں۔
وزیراعظم کا چین کے سابق وزیراعظم لی پنگ کے انتقال پر اظہار افسوس
