قطر کی فضائیہ کے سربراہ میجر جنرل سالم حمد عقیل نے ائیر ہیڈکوارٹرز اسلام آباد کا دورہ کیا۔ترجمان پاک فضائیہ کے مطابق قطر فضائیہ کے سربراہ کو پاک ائیر ہیڈکوارٹرز اسلام آباد میں پاک فضائیہ کےچاق و چوبند دستے نے سلامی پیش کی۔ترجمان پاک فضائیہ نے بتایا کہ اس دوران کمانڈر قطر فضائیہ نے پاک فضائیہ کے سربراہ ائیرچیف مارشل مجاہد انور خان سے ملاقات کی، اس دوران علاقائی سلامتی اور باہمی تعاون کے امور پر تبادلہ خیال کیا۔کمانڈر قطر فضائیہ نےحالیہ برسوں میں پاک فضائیہ کی خود انحصاری کےمیدان میں غیرمعمولی ترقی کی تعریف کی۔اس موقع پر سربراہ پاک فضائیہ کا کہنا تھا کہ پاکستان اور قطر کے درمیان دوستانہ اور برادرانہ تعلقات ہیں، دونوں فضائی افواج نے دوستانہ تعلقات کونئی جہتوں سے روشناس کرانے کے عزم کا اعادہ کیا۔
قطری فضائیہ کے سربراہ کا ائیرہیڈ کوارٹرز اسلام آباد کا دورہ
