شہید میجر عدیل نے شہید کی بیوہ سے شادی کی، دو جڑواں بیٹیاں بھی ہیں

کراچی: جمعے کوپاک افغان سرحدی علاقے ضلع مہمند میں شہید ہونے والے میجر عدیل شاہد کی تدفین آج ہوگی۔شہید میجر عدیل بہت زیادہ ملنسار تھے، ان کی شہادت سے گلستان جوہر فرحان ٹاور میں ان کے اہل محلہ بہت زیادہ افسردہ تھے۔ان کی شہادت کی اطلاع ملتے ہی اہل محلہ اور رشتہ داروں کی بڑی تعداد ان کے گھر پہنچ گئی۔شہید عدیل شاہد کی تین بیٹیاں ہیں، انہوں نے کچھ سال قبل شہید کیپٹن کی بیوہ سے دوسری شادی کی تھی جن سے ان کی دو جڑواں بچیاں ہیں جن کی عمر ڈیرھ سال ہے۔بڑی بیٹی چار سال کی ہے، شہید عدیل عید الاضحیٰ کے موقع پر کراچی آئے تھے اور دو روز قبل فون پر انہوں نے اپنے والد سے بات کی تھی جب کہ ان کی والدہ انتقال کرچکی ہیں۔