راولپنڈی: وفاقی وزیر ہوا بازی ترکی جاتے ہوئے پاسپورٹ گھر چھوڑ آئے۔ذرائع کے مطابق نیواسلام آباد انٹرنیشنل ائیرپورٹ پراس وقت دلچسپ صورت حال دیکھنے میں آئی کہ جب وفاقی وزیرغلام سرور خان استبول جانے کے لئے نیو اسلام آبادائیر پورٹ پہنچے۔روانگی کے وقت جب امیگریشن عملے نے ان کاپاسپورٹ چیک کیا تومعلوم ہواکہ وہ اپنا پاسپورٹ لانے کی بجائے غلطی سے اپنی اہلیہ کا پاسپورٹ ساتھ لے آئے ہیں۔اس پر ان کے پروٹوکول اسٹاف کو فوری طور پر ان کے گھر روانہ کیا گیا جو گھر سے پاسپورٹ لے کر ائیرپورٹ پہنچا جس کے بعد تمام کارروائی مکمل ہونے پر غلام سرور ترکی روانہ ہوگئے۔
وفاقی وزیر ترکی جانے کیلئے اپنی جگہ اہلیہ کا پاسپورٹ لے آئے
