ساہیوال: زیادتی کا ملزم شناخت پریڈ سے قبل ہی چل بسا

ساہیوال: شناخت پریڈ کے لیے سینٹرل جیل منتقل کیا گیا زیادتی کا ملزم مبینہ طور پر بیماری کے باعث اسپتال میں چل بسا۔پولیس کے مطابق چیچہ وطنی سے زیادتی کیس میں گرفتار ملزم نوید کو شناخت پریڈ کے لیے گزشتہ روز سینٹرل جیل ساہیوال منتقل کیا گیا تھا جہاں طبعیت خراب ہونے پر اسے ڈی ایچ کیو اسپتال لایا گیا۔پولیس نے بتایا کہ ملزم نوید دمے کا مریض تھا جو دورانِ علاج اسپتال میں دم توڑ گیا جب کہ ملزم نوید کی والدہ نے الزام عائد کیا ہے کہ اس کے بیٹے کی ہلاکت پولیس تشدد کی وجہ سے ہوئی ہے۔