سندھ میں کورونا سے جاں بحق ہونے والوں کی کْل تعداد 22 ہوگئی ہے، مراد علی شاہ
کراچی (آئی این پی ) وزیراعلیٰ سندھ سید مراد علی شاہ نے عوام سے اپیل کی ہے کہ وہ حکومتی فیصلوں پر عملدرآمد کر کے کورونا کو شکست دیں،سندھ میں کورونا سے جاں بحق ہونے والوں کی کْل تعداد 22 ہوگئی ہے۔ سندھ میں کورونا کی صورتحال سے متعلق اپنے پیغام میں وزیر اعلیٰ سندھ نے کہا کہ ہم نے گزشتہ 24 گھنٹوں میں 586 افراد کے ٹیسٹ کئے، جن میں 86 کورونا میں مبتلا پائے گئے، جس کے بعد صوبے میں کورونا کے تصدیق شدہ مریضوں کی تعداد 1214 ہوگئی ہے، صوبے میں صحتیاب ہونے والے مریضوں کی تعداد 358 ہے جو کْل مریضوں کا 30 فیصد ہے۔ گزشتہ 24 گھنٹوں میں کورونا سے ایک شخص جاں بحق ہوا اور وہ میرے بہنوئی مہدی شاہ تھے۔ کورونا کے سبب جاں بحق ہونے والوں کی کْل تعداد 22 ہوگئی ہے، جو کْل مریضوں کا 1.8 فیصد ہے۔وزیر اعلیٰ سندھ نے کہا کہ سید مہدی شاہ 52 سال کے تھے، 28 مارچ کو ان کا کورونا ٹیسٹ مثبت ا?یا تھا، وہ کورونا سے جنگ جیت گئے تھے، ان کے 2 ٹیسٹ منفی ا?ئے تھے، انہیں کورونا کے باعث پھیپھڑوں اور دیگر امراض نمودار ہوئے جس کی وجہ سے وہ زندگی کی بازی ہار گئے۔ اسپتال میں مہدی شاہ کو کورونا کا مریض ڈکلیئر نہیں کیا، اس کے باوجود ہم نے مہدی شاہ کی تدفین کورونا کے بنیاد پر کی۔مراد علی شاہ نے کہا کہ ان تمام افراد کا شکرگزار ہوں جنہوں نے مہدی شاہ کے انتقال پر تعزیت کی، دوستوں سے گزارش ہے کہ مہدی شاہ کی مغفرت کے لئے اپنے گھروں میں دعا کریں، حکومتی فیصلوں پر عملدرا?مد کر کے کورونا کو شکست دیں، ایک دوسرے سے فاصلہ رکھیں، اپنی، اپنے خاندان اور دوستوں کی زندگی کی حفاظت میں اپنا کردار ادا کریں۔