کراچی: پولیس نے میوہ شاہ قبرستان سے گینگ وار کے 4 ٹارگٹ کلرز کو گرفتار کرلیا۔
پولیس کے مطابق گرفتار ملزمان کے قبضے سے 4 عدد ہینڈ گرنیڈ، 3 آٹو میٹک کلاشنکوف اور ایک نائن ایم ایم پستول گولیوں کے ساتھ برآمد کیے گئے ہیں۔
پولیس کا کہنا ہےکہ ملزمان نے دوران تفتیش قتل و غارت گری، بھتہ خوری، ڈکیتی و اسٹریٹ کرائم جیسے سنگین جرائم کا انکشاف کیا ہے۔
پولیس کا بتانا ہے کہ گرفتار ملزم الیان بلوچ نے گزشتہ ماہ الطاف عرف انو بھائی نامی شخص کو قتل کرنے کا بھی اعتراف کیا ہے، الطاف عرف انو بھائی کے قتل میں استعمال ہونے والا آلہ قتل نائن ایم ایم پستول بھی برآمد کرلیا گیا ہے۔
پولیس کا کہنا ہےکہ ملزمان کے خلاف مقدمات درج کرزکے تفتیش کی جارہی ہے۔