اداکارہ منال خان اور ان کے منگیتر اداکار احسن محسن ایک بار پھر تنقید کی زد میں آگئے۔
گزشتہ روز انسٹاگرام پر احسن محسن کی جانب سے اپنی ویکسی نیشن کی تصاویر شیئر کی گئیں اور مداحوں پر ویکسین لگوانے پر زور دیا جب کہ تصاویر میں احسن محسن کے ہمراہ منال خان کو بھی دیکھا جاسکتا ہے۔
ویکسی نیشن کی تصاویر شیئر کرتے ہوئے احسن محسن نے کیپشن میں لکھا کہ دراصل میں انجیکشن سے ذرا سا خوفزدہ ہوں لہٰذا جہاں میں ویکسین لگوارہا تھا، منال وہاں میرا ذہن بھٹکارہی تھی۔
اداکار جوڑی ان تصاویر کو شیئر کرنے کے بعد ایک بار پھر تنقید کی زد میں آگئی ہے۔
ایک صارف کی جانب سے تبصرہ کرتے ہوئے اداکار جوڑی کو بے حیا کپل قرار دیا گیا۔
ایک صارف نے لکھا کیا مذاق ہے یہ دن بدن چیپ کیوں ہوتے جارہے ہیں؟ زہرہ سیدہ نامی صارف نے لکھا کہ بے شرمی کی حد ہوتی ہے ویسے۔
ایک صارف نے احسن منال کی تصاویر کو میڈیا کی توجہ حاصل کرنے کا طریقہ قرار دیا۔
ایک صارف کی جانب سے اداکار جوڑی پر تبصرہ کرتے ہوئے انہیں انتہائی اوور قرار دیا گیا۔