لاہور : گورنر پنجاب چوہدری سرور نے کہا ہے کہ بھارت 70 برس سے بندوق اور ٹینک استعمال کرکے بھی کشمیریوں کو دبانے میں ناکام رہا ہے۔
ان خیالات کا اظہار گورنر پنجاب چوہدری محمد سرور بھارتی صحافی کی کشمیری بچوں سے گفتگو کی ویڈیو شیئر کرتے ہوئے کیا، انہوں نے اپنے ٹویٹ میں کہا کہ ویڈیو میں کشمیری بچے پاکستان اور چین کی تعریف کررہے ہیں۔
Even 4-5 grad students in Jammu and Kashmir know the only thing they need is AZADI- the freedom. Listen to their arguments with an Indian Journalist. pic.twitter.com/WjM9N466eA
— Jalaluddin Mughal (@Jalalmughal) August 17, 2021
گورنر پنجاب کے ٹویٹر اکاؤنٹ سے شیئر ہونے والی ویڈیو میں دیکھا جاسکتا ہے کہ کشمیری بچے بھارت سے نفرت کا اظہار کررہے ہیں۔
چوہدری سرور نے ویڈیو کے کیپشن میں کہا کہ بھارت کشمیر میں دنیا کی سب سے بڑی دہشت گردی کررہا ہے، بندوق اور ٹینک استعمال کرکے بھی 70 برس میں بھارت کشمیریوں کو دبانے میں ناکام رہا ہے۔
مقبوضہ کشمیر میں بھارتی افواج 70 سالوں سے بندوق سے لیکر ٹینک تک ہر طاقت استعمال کر رہی ہے'95ہزارکشمیر ی شہید '1لاکھ 7ہزار بچے یتیم ہوچکے.مگر کشمیری بچوں کی #Pakistan سے محبت اوربھارتی صحافی سے گفتگو ثابت کر رہی ہے کشمیر بنے گا پاکستان. کشمیری #India سے نفرت کرتے ہیں
#Kashmir pic.twitter.com/07dStpIACO— Mohammad Sarwar (@ChMSarwar) August 19, 2021
گورنر پنجاب نے کہا کہ 95 ہزار سے زائد کشمیری بھارتی افواج کی دہشتگردی کا نشانہ بن چکے ہیں، لیکن دنیا کی کوئی طاقت کشمیریوں کے حوصلے پست نہیں کرسکتی، انشاءاللہ کشمیر ضرور آزاد ہوگا۔