جموں کشمیر پیپلز سٹوڈنٹس آرگنائزیشن ضلع مظفرآباد کے زیر اہتمام مظفرآباد اپر اڈا (لال چوک)میں جموں کشمیر پیپلز پارٹی کے قائد سردار خالد ابراہیم خان مرحوم کی تیسری برسی کے موقع پر موم بتیاں جلا کر قائد محترم کو خراج عقیدت پیش کیا گیا۔
اس موقع پر پی ایس او کے نوجوانوں نے بھرپور نعرے بازی کی مظفر آباد کی فضا جئے خالد، جئے غازی، زندہ ہے خالد زندہ ہے، اصول کا خالد زندہ ہے، میرٹ کا خالد زندہ ہے، انصاف کا خالد زندہ ہے، خالد تیرے جان نثاربے شمار بے شمار، کے نعروں سے گونج اٹھی۔
اس موقع پر جموں کشمیر پیپلز پارٹی کے ممبر ایڈوائزری کمیٹی سردار تسلیم، مرکزی چیف آرگنائزر پی ایس او زین بٹ، مرکزی سیکرٹری جنرل پی وائی سی سردار قدیر، افسر مغل، راجہ عمار طارق، سید محمد علی، باسط احمد خان، محسن قریشی، اسماعیل خان نے خطاب کیا۔
مقررین نے سردار خالد ابراہیم خان کو ان کی لازوال جدوجہد پرزبردست الفاظ میں خراج عقیدت پیش کیا۔ تقریب کے اختتام پر سردار خالد ابراہیم خان کے درجات کی بلندی کے لئے دعا کی گئی