پاکستان پیپلزپارٹی آزادکشمیر نے پارٹی چیئرمین بلاول بھٹو زرداری کی کال پر ملک بھر کی طرح آزادکشمیر سے 27 فروری کو پارلیمنٹ ہاؤس اسلام آباد کے سامنے لانگ مارچ کو کامیاب بنانے کیلئے بھرپور تیاریوں وانتظامات کے ساتھ عوام رابطہ مہم کا آغاز کردیا۔
جبکہ پاکستان کے چاروں صوبوں میں مقیم کشمیری عوام کو پیپلزپارٹی کے چیئرمین بلاول بھٹو کے قافلہ لانگ مارچ شامل کرنے اور آزاد خطہ سے ہزاروں افراد لانے کی منصوبہ بندی پارٹی صدرِ چوہدری محمد یاسین ،قائد حزب اختلاف چوہدری لطیف ممبران اسمبلی،ٹکٹ ہولڈرز،عہدیداروں کے ہمراہ تمام اضلاع کے دورے میں جلسوں سے خطاب کر کے ملک میں بڑھتی ہوئی مہنگائی بیروزگاری، رشوت ، سفارش،کشمیر فروشی،عوام دشمن حکمرانوں کی پالیسیوں کے خلاف رائے عامہ ہموار کریں گے۔
ستائیس فروری کو پارلیمنٹ ہاؤس کے سامنے لانگ مارچ کے سلسلے میں یہاں کشمیر ہاؤس اسلام آبادمیڈیا کے نمائندوں سے گفتگو کرتے ہوئے پاکستان پیپلزپارٹی آزادکشمیر کے مرکزی ڈپٹی سیکرٹری اطلاعات امیدوار اسمبلی شوکت جاوید میر نے کہا ہے چیئرمین بلاول بھٹو زرداری کی قیادت میں فیصلہ کن راؤنڈ ملک بچانا ہے۔
