بھکرمیں صحافی پرتشدد کرنے کے الزام میں گرفتارتین ملزمان کوجسمانی ریمانڈ پر پولیس کے حوالے کردیاگیاہے۔۔ڈی پی اوکاکہناہے کہ مزید 6ملزمان کی گرفتاری کے لئےچھاپے مارے جارہےہیں ۔
مقامی صحافی زاہد شریف راناپرتشدداورچہرے پر سیاہی پھینکنےکاواقعہ گذشتہ روزکلورکوٹ میں پیش آیاتھا۔ جہاں پانچ سے زاید افرادنے صحافی کومارا،کپڑے پھاڑدیئے اورچہرے پر سیاہی پھینک دی تھی۔
مقدمہ میں گرفتارتین ملزمان کوآج جوڈیشل مجسٹریٹ آصف جاویدکی عدالت میں پیش کیاگیاعدالت نےملزمان کو دوروزہ جسمانی ریمانڈ پرپولیس کےحوالے کردیاہے۔ڈی پی اوسید علی رضا کاکہناہے مقدمہ میں مزید 6ملزمان کی گرفتاری کے لئے چھاپے مارے جارہےہیں۔ زاہد شریف کے مطابق انہوں نے کلورکوٹ میں مرغوں کی لڑائی میں جوئے کی خبرشائع کی تھی ۔۔جس کی پاداش میں انتقامی کارروائی کا نشانہ بنایاگیا۔