زمبابوین کرکٹرز کا دورہ پاکستان روشن

ہرارے: زمبابوے کرکٹ بورڈ نے کھلاڑیوں کی دھمکی کے بعد ایک ماہ کی تنخواہ جاری کرتے ہوئے 3 ملکی ٹی20 کپ اور پاکستان کے خلاف 5 ایک روزہ میچوں کی تیاری کا آغاز کردیا ہے۔ یوں پاکستان کے دورہ زمبابوے پر چھائے بادل چھٹ گئے۔ بورڈ نے زمبابوے کی 15 رکنی ٹی 20 ٹیم کے ساتھ بورڈ الیون کے 15 کھلاڑیوں کا بھی اعلان کیا ہے جو پیر سے 18 جون تک کینیا کے ساتھ مل کر ٹرائینگولر ٹی 20 کپ کھیلیں گے۔ اس کے بعد ان کھلاڑیوں میں سے زمبابوے کی اس ٹی 20 ٹیم کا اعلان ہوگا جو پاکستان کے خلاف اگلے ماہ ہوم گراﺅنڈ میں شیڈول 3 ملکی ٹی 20 سیریز کھیلے گی۔ تیسری ٹیم آسٹریلیا کی ہوگی۔ بورڈ نے گریم کریمر اور سکند رضا کو ڈارپ کردیا ہے۔