سری نگر(کشمیر لنک)مقبوضہ کشمیر میں بھارتی فوجیوں نے اپنی ریاستی دہشت گردی کی جاری کارروائیوں میں گزشتہ ماہ نومبر میں 48 کشمیریوں کو شہید کیا۔عدادوشمار کے مطابق ان شہدا میں تین خواتین اور دو کم عمر لڑکے شامل ہیں۔ان شہادتوں کے نتیجے میں چار خواتین بیوہ اور گیاہ بچے یتیم ہوئے ۔پرامن مظاہرین اور جنازے کے شرکا پر بھارتی فوج ، نیم فوجی دستوں اور پولیس کی فائرنگ اور آنسوگیس شیلنگ سے ایک سو چھیانوے کشمیری زخمی ہوئے ۔ایک سو انہتر کشمیریوں کو حراست میں لیاگیا جن میں زیادہ تر نوجوان ، حریت رہنما اور کارکن شامل تھے ۔فوجیوں نے گزشتہ ماہ گھر گھر تلاشی اور محاصرے کی کارروائیوں میں چھبیس گھروں کو جزوی نقصان پہنچایا یا مکمل تباہ کردیا ۔
