ترکی کی معروف مصنفہ ملالہ یوسفزئی سے انتہائی متاثر

ترکی کی مقبول ترین مصنفہ ایلف شفق نے پاکستان کی کم عمر ترین نوبیل امن انعام یافتہ ملالہ یوسف زئی کی لڑکیوں کی تعلیم سے گہری وابستگی اور ہمت کی تعریف کی ہے۔معروف ناول ’عشق کے چالیس اصول‘ کی مصنفہ ایلف شفق نے اپنے انسٹاگرام اکاؤنٹ پر ملالہ کے ساتھ ایک تصویر شیئر کی جس کے کیپشن میں انہوں نے ملالہ کی تعریف کی۔ایلف شفق نے اپنی پوسٹ میں لکھا کہ ’گزشتہ روز میری آکسفورڈ یونیورسٹی کے مارگریٹ حال میں گفتگو ہوئی جہاں حیرت انگیز طور پر نوجوان سامعین کے ساتھ ساتھ ملالہ سے مل کر بے حد اچھا لگا‘۔انہوں نے ملالہ یوسف زئی کی تعریف کرتے ہوئے لکھا کہ ’ملالہ کی ہمت اور لڑکیوں کی تعلیم کے حوالے سے ان کی گہری وابستگی کی میں دل کی گہرائیوں سے تعریف کرتی ہوں اور انہیں سلام پیش کرتی ہوں‘۔واضح رہے کہ گزشتہ ہفتے ماحولیاتی تحفظ کی سرگرم نوجوان سماجی کارکن گریٹا تھنبرگ نے نوبیل انعام یافتہ ملالہ یوسف زئی سے آکسفورڈ یونیورسٹی کے مارگریٹ حال میں ہی ملاقات کی تھی۔