کوئٹہ میں ہونے والا دھماکا خودکش تھا دھماکے میں کسی خاص کمیونٹی کو نشانہ نہیں بنایا گیا،وزیر داخلہ بلوچستان

وزیرداخلہ بلوچستان ضیا اللہ لانگو نے کہا ہے کہ کوئٹہ کے علاقے ہزارگنجی کی سبزی وفروٹ مارکیٹ میں ہونے والا دھماکا خودکش تھا۔ایک بیان میں انہوں نے مزید کہا کہ ابتدائی تحقیقات سے پتہ چلا ہے کہ دھماکے میں کسی خاص کمیونٹی کو نشانہ نہیں بنایا گیا۔وزیر داخلہ بلوچستان ضیا اللہ لانگو ہسپتا ل بھی گئے جہاں انہوں نے دھماکے کے زخمیوں کی عیادت کی۔واضح رہے کہ ان کے برعکس ڈی آئی جی کوئٹہ عبدالرزاق چیمہ نے کہا کہ دھماکا خیز مواد آلوئو ں کی بوری میں رکھا گیا تھا، بوری کی لوڈنگ کے دوران یہ دھماکا ہوا ۔ڈی آئی جی کوئٹہ نے یہ بھی کہا تھا کہ اس دھماکے کے ذریعے دہشت گردوں کی جانب سے کوئٹہ کی ہزارہ کمیونٹی کو نشانہ بنایا گیا ۔mk/ah