پیپلز پارٹی اور ن لیگ نے ایک بار پھر مولانا کے ساتھ ہاتھ کر دیا: فردوس عاشق اعوان

وزیراعظم عمران خان کی معاون خصوصی برائے اطلاعات فردوس عاشق اعوان کا کہنا ہے کہ پیپلز پارٹی اور ن لیگ نے ایک بار پھر مولانا کے ساتھ ہاتھ کر دیا ہے۔فردوس عاشق اعوان نے اپوزیشن جماعتوں کی اے پی سی کے حوالے سے سوشل میڈیا پر جاری بیان میں کہا کہ یہ اجلاس اپوزیشن کی “آؤ آپس میں سیاست کریں” کی نئی قسط ہے۔انہوں نے کہا کہ پیپلز پارٹی اور ن لیگ نے ایک بار پھر مولانا کے ساتھ ہاتھ کر دیا ہے، اے پی سی شہباز شریف کے کمر درد اور بلاول بھٹو کے تنظیمی دورے کی نذر ہو گئی۔وزیراعظم کی معاون خصوصی نے کہا کہ ایک دوسرے سے سچ نہ بولنے والے قوم سےکیسے سچ بول سکتے ہیں؟جمعیت علمائے اسلام (ف) کے سربراہ مولانا فضل الرحمان کو تنقید کا نشانہ بناتے ہوئے فردوس عاشق اعوان کا کہنا تھا کہ حضرت مولانا کا ایجنڈا اور پیسہ بچاؤ پارٹیوں کا ایجنڈا کچھ اور ہے۔فضل الرحمان کو مخاطب کرتے ہوئے ان کا کہنا تھا کہ مولانا صاحب کھوٹے سکے چلنے والے نہیں ہیں۔فردوس عاشق اعوان نے مولانا فضل الرحمان کو مشورہ بھی دیا کہ ان کو چھوڑیں اور مظلوم کشمیریوں کے حق میں آواز بلند کریں۔