ایڈیلیڈ ٹیسٹ: وارنر کی ٹرپل سنچری، آسٹریلیا نے پہلی اننگز 589 رنز پر ڈکلیئر کر دی

پاکستان اور آسٹریلیا کے درمیان دوسرے اور آخری ٹیسٹ میں آسٹریلیا نے اپنی پہلی اننگز 589 رنز تین کھلاڑی آؤٹ پر ڈکلیئر کر دی۔آسٹریلیا نے 302 رنز سے اپنی نامکمل اننگز کا آغاز کیا تو مارنس لبوشین انفرادی اسکور میں صرف دو رنز کے اضافے کے بعد شاہین شاہ آفریدی کی گیند پر بولڈ ہو گئے۔ اسٹیون اسمتھ بھی 36 رنز بنا کر شاہین آفریدی کا شکار بن گئے۔ڈیوڈ وارنر نے شاندار بلے بازی کا سلسلہ جاری رکھا اور اپنی ٹرپل سنچری مکمل کی، وہ 335 رنز بنا کر ناٹ آؤٹ رہے، میتھیو ویڈ نے بھی 38 رنز اسکور کیے، وارنر اور ویڈ کے درمیان 99 رنز کی شراکت ہوئی۔آسٹریلیا کا اسکور 589 رنز پر پہنچا تو کینگروز قائد نے اننگز ڈکلیئر کرنے کا اعلان کر دیا۔خیال رہے کہ برسبین میں کھیلے گئے پہلے ٹیسٹ میں آسٹریلیا نے پاکستان کو ایک اننگز اور 5 رنز سے شکست دی تھی۔