لاہور: مسلم لیگ ن کی ترجمان مریم اورنگزیب نے کہا ہے کہ عمران خان نے ہر پاکستانی کو مقروض بنا دیا ہے۔
مسلم لیگ ن کی ترجمان مریم اورنگزیب نے اپنے ایک بیان میں کہا کہ ہر پاکستانی پر واجب الادا قرض میں 50 فیصد اضافہ ہوا ہے اور قرض کا 70 فیصد ساڑھے 3 سال کی مدت میں ملک پر مسلط کر دیا گیا۔
انہوں نے کہا کہ عمران خان نے ہر پاکستانی کو مقروض بنا دیا ہے اور وزیر خزانہ نے خوشی سے ایک ارب ڈالر مقروض ہونے کا اعلان کیا۔ عالمی مالیاتی ادارے (آئی ایم ایف) سے قرض لینے پر عمران خان خودکشی ہی نہ کر لیں؟ مریم اورنگزیب نے کہا کہ عمران خان نے قوم پر جو قرض لادا ہے، یہ کون ادا کرے گا ؟ قرض کی ادائیگی پاکستان کے نوجوان اور آنے والی نسلوں کو کرنی پڑے گی۔
انہوں نے کہا کہ قرض لینے کا عمران خان کا تاریخی ریکارڈ پاکستان کے لیے خطرناک ہے۔