آزادجموں و کشمیر کے صدر سردار مسعود خان نے وزیر اعظم کے مشیر ،رکن قانون ساز اسمبلی بزرگ سیاسی رہنماسردار خان بہادر خان کی وفات پر گہرے رنج و غم کا اظہار کیا ہے۔اپنے تعزیتی پیغام میں صدر نے ان کی سیاسی خدمات کو شاندار الفاظ میں خراج تحسین پیش کرتے ہوے کہا کہ مرحوم کے بی خان ہمہ وقت اپنے علاقے اور اپنے عوام کی فلاح و بہبود کیلیے سرگرم رہتے تھے۔ان کی وفات سے ریاست ایک قد آور سیاسی شخصیت سے محروم ہو گئی ہے جن کا خلاء مدتوں پر نہ کیا جا سکے گا۔صدر ریاست نے دعا کی کہ اللہ تعالی مرحوم کے بی خان کو اپنی جوار رحمت میں جگہ اور پسماندگان کو صبر جمیل عطا فرمائے۔
