اسلام آباد: وزیراعظم عمران خان کی زیرصدارت وفاقی کابینہ کا اجلاس ہوا۔ذرائع کے مطابق وفاقی کابینہ کے اجلاس میں 11 نکاتی ایجنڈے پر غور کیا گیا، مختلف ملکوں کے ساتھ معاہدوں اور ایم او یوز کی منظوری ایجنڈے کا حصہ تھے جب کہ سرکاری اداروں کے سربراہوں کی تقرری کی منظوری بھی ایجنڈے میں شامل تھی۔ذرائع کے مطابق کابینہ کے اجلاس میں حکومت کے 100 روزہ پلان پر وفاقی وزرارتوں کے مقرر اہداف پر بریفنگ دی گئی۔ذرائع نے بتایا کہ اجلاس میں کابینہ کی خصوصی کمیٹیوں اور ٹاسک فورسز کے سربراہ نے اپنی کارکردگی پر بریفنگ دی۔
