ائیر کوالٹی انڈیکس کے مطابق فضائی آلودگی میں آج لاہور کا پہلا نمبر ہے۔ائیر کوالٹی انڈیکس کے مطابق عالمی انڈیکس میں لاہور کی فضائی آلودگی 233 درجے پر ہے اور شہر فضائی آلودگی کے اعتبار سے آج پہلے نمبر پر ہے جب کہ کراچی 172 درجے کے ساتھ آج کا چھٹا آلودہ ترین شہر ہے۔ائیرکوالٹی انڈیکس کے مطابق بھارتی دارالحکومت دہلی ماحولیاتی آلودگی میں 211 درجے کے ساتھ دوسرے نمبر پرہے۔دوسری جانب محکمہ ماحولیات پنجاب کا کہنا ہےکہ لاہور میں اسموگ ایک بار پھر بڑھنے لگی اور آئندہ 24 گھنٹوں میں اسموگ کے مزید بڑھنے کا امکان ہے۔
