وزیراعظم عمران خان کا آج طے شدہ دورہ کراچی منسوخ کردیا گیا۔وزیراعظم عمران خان کو آج ایک روزہ دورے پر کراچی آنا تھا لیکن موسم کی خرابی کے باعث یہ دورہ منسوخ کردیا گیا ہے۔کراچی میں وزیراعظم کی مصروفیات میں فائیو اسٹار، کے ڈی اے فلائی اوور، منگھو پیر روڈ کی بحالی اور نشتر روڈ کا افتتاح شامل تھا۔اس کے علاوہ وزیراعظم کو وفاق کے تحت سندھ میں عوامی ویلفیئر اسکیم اور ترقیاتی منصوبوں سے متعلق جائزہ اجلاس کی بھی صدارت کرنی تھی۔دوسری جانب ترجمان گورنر ہاؤس کا بتانا ہے کہ کراچی ترقیاتی پیکج کے تحت مکمل منصوبوں کا افتتاح شیڈول کے مطابق ہوگا۔ترجمان کے مطابق گورنر سندھ عمران اسماعیل فلائی اوورز اور دو شاہراہوں کا افتتاح کریں گے جب کہ گورنر ہاؤس کی تقریب بھی اپنے پروگرام کے مطابق ہوگی۔
