عمران خان کے اثاثوں کی تفصیلات سامنے آ گئیں

عمران خان 168 ایکڑ زرعی زمین کے مالک
اپنے گزشتہ برس کے اثاثے 47 لاکھ 76 ہزار 611 روپے آمدن ظاہر کیے
چیئرمین تحریک انصاف نے ذرائع آمدن زراعت، تنخواہ اور بینک منافع ظاہر کیا
عمران خان نے اپنے اثاثوں میں غیر ملکی دوروں کی تفصیلات بھی ظاہر کی ہیں
پاکستان تحریک انصاف کے چیئرمین عمران خان کے الیکشن کمیشن میں جمع کرائے گئے اثاثوں کی تفصیلات سامنے آ گئیں ۔ میڈیا رپورٹس کے مطابق عمران خان نے ذرائع آمدن زراعت، تنخواہ اور بینک منافع ظاہر کیا ہے۔دستاویز کے مطابق عمران خان 168 ایکڑ زرعی زمین کے مالک ہیں جب کہ عمران خان نے غیر ملکی دوروں کی تفصیلات بھی کاغذات نامزد گی میں ظاہر کی ہیں۔عمران خان نے الیکشن کمیشن میں اپنے گزشتہ برس کے اثاثے 47 لاکھ 76 ہزار 611 روپے آمدن ظاہر کیے ہیں۔عمران خان نے گزشتہ سال اپنی آمدن پر ایک لاکھ 3 ہزار 763 روپے ٹیکس ادا کیا