ٹرائنگولر سیریز فائنل: آسٹریلیا کا پاکستان کیخلاف جارحانہ آغاز

ہرارے: تین ملکی ٹی ٹوئنٹی کرکٹ سیریز کے فائنل میچ آسٹریلیا کی پاکستان کے خلاف ٹاس جیت کر بیٹنگ جاری ہے۔ہرارے اسپورٹس کلب میں جاری میچ میں کینگروز کپتان ایرون فنچ نے ٹاس جیت کر پہلے بیٹنگ کا فیصلہ کیا تو کپتان کے ہمراہ آرمی شارٹ نے اننگز کا آغاز کیا۔ دونوں بلے بازوں نے شروع سے ہی جارحانہ حکمت عملی اپنائی اور 5 اوورز میں بغیر کسی نقصان کے 38 رنز بنالیے۔سہ فریقی سیریز میں دونوں ٹیمیں دو مرتبہ ایک دوسرے کے مدمقابل آئیں جس میں ایک میچ آسٹریلیا اور دوسرا پاکستان کے نام رہا۔ ایونٹ کے فیصلہ کن معرکے کے لیے گرین شرٹس نے بھرپور پریکٹس کی اور کینگروز کے خلاف ٹیم میں نوجوان اوپنر صاحبزادہ فرحان کو شامل کیا گیا ہے۔سہ فریقی سیریز میں اوپننگ بلے باز محمد حفیظ اور حارث سہیل کی ناکامی کے بعد ہیڈکوچ مکی آرتھر نے چار سدہ سے تعلق رکھنے والے 22 سالہ اوپنر صاحبزادہ فرحان پر انحصار کیا ہے جو پاکستان سپر لیگ کے 5 میچوں میں 91 رنز بنا پائے تھے۔