اسلام آباد: پولی کلینک کے میڈیکل بورڈ نے شہبازشریف کے طبی معائنے کے بعد کینسر ماہرین پر مشتمل بڑا بورڈ تشکیل دینے کی سفارش کردی۔گزشتہ روز شہبازشریف کے خون کی تجزیاتی رپورٹ میں کینسر کی علامات دوبارہ ظاہر ہونے کا انکشاف ہوا تھا۔ہفتے کے روز پولی کلینک کے 4 رکنی میڈیکل بورڈ نے منسٹر انکلیو میں شہبازشریف کا ایک بار پھر طبی معائنہ کیا اور پھر بورڈ نے کینسر ماہرین پر مشتمل بڑا بورڈ تشکیل دینے کی سفارش کردی۔ذرائع کا کہنا ہےکہ میڈیکل بورڈ نے قائد حزب اختلاف کو تجویز کردہ ادویات جاری رکھنے کی ہدایت کی جب کہ شہباز شریف کے سی ٹی اسکین سمیت دیگر ٹیسٹ کرانے کی سفارش بھی کی گئی ہے۔ذرائع کے مطابق شہباز شریف کا سی ٹی اسکین کل اسلام آباد میں کرانے کا مشورہ دیا گیاہے۔
