اسلام آباد: وفاقی وزیر اطلاعات فواد چوہدری نے کہا ہے کہ سابق وزیراعظم نواز شریف کو رہا ہوئے4 دن ہوگئے لیکن وہ اسپتال میں داخل نہیں ہوئے ۔میرا نواز شریف کو پلی بارگین کا مشورہ ہے۔پیسہ حسن ،حسین کا نہیں بلکہ آپ کا ہے لہذا قوم کا پیسہ واپس کریں ۔
ہفتے کو ٹویٹر پر بیان میں انہوں نے کہا کہ نواز شریف کی رہائی کو 4 دن ہوچکے ہیں لیکن کسی ہسپتال میں داخل نہیں کرایا گیا ۔ وہ گھر پر ہیں، کیا نواز شریف کا مقصد صرف جیل سے باہر آنا تھا اور بیماری کیلئے آخری ہفتے کا انتظار تھا ؟
نواز شریف کی رہائی کا چوتھا روز تاحال ہسپتال میں داخل نہیں کروایا گیا ۔کیا مقصد صرف جیل سے باہر آنا تھا یا بیماری کیلئے آخری ہفتے کا انتظار ہے؟ میرا پھر مشورہ ہے آسان راستہ Plea Bargain ہے، حسن اور حسین کا پیسہ نہیں آپ کا ہے اس قوم نے تین دفعہ آپ کو عزت دی ان کا پیسہ واپس دیں
— Ch Fawad Hussain (@fawadchaudhry) March 30, 2019
انہوں نے کہا کہ میرا پھر سے انہیں مشورہ ہے کہ ان کیلئے آسان راستہ پلی بارگین ہے، پیسہ حسن اور حسین کا نہیں بلکہ نواز شریف کا ہے، قوم نے نواز شریف کو 3 مرتبہ عزت دی ہے لہذا قوم کا پیسہ واپس کریں ۔
