اسلام آباد : وفاقی وزیر سائنس اینڈ ٹیکنالوجی فواد چوہدری نے چیئرمین سینیٹ کے خلاف تحریک عدم اعتماد کو ابو بچاؤ مہم کا حصہ قرار دے دیا۔ٹوئٹر پر جاری بیان میں فواد چوہدری نے کہا کہ چیئرمین سینیٹ کے خلاف تحریک عدم اعتماد بد قسمتی ہے اور یہ ابو بچاؤ مہم کا حصہ ہے۔انہوں نے کہا کہ اس عمل سے حکومت اور وزیراعظم کو کوئی فرق نہیں پڑنا، اس سے اگر فرق پڑے گا تو سینیٹ کے ادارے کو پڑے گا۔وفاقی وزیر کا کہنا تھا کہ صادق سنجرانی ایک توازن قائم کیے ہوئے تھے، اب تحریک عدم اعتماد کامیاب ہو یا ناکام یہ توازن متاثر ہو گا۔
