ایران نے بدھ کی صبح بیلسٹک میزائلوں سے عراق میں امریکہ کے دو فوجی اڈوں پر حملہ کیا ہے۔ ابھی تک کسی جانی نقصان کی اطلاع نہیں ہے۔
All is well! Missiles launched from Iran at two military bases located in Iraq. Assessment of casualties & damages taking place now. So far, so good! We have the most powerful and well equipped military anywhere in the world, by far! I will be making a statement tomorrow morning.
— Donald J. Trump (@realDonaldTrump) January 8, 2020
امریکی صدر نے ایک ٹویٹ میں کہا ہے ’ہم نقصان کا جائزہ لے رہے ہیں لیکن اب تک سب ٹھیک لگتا ہے۔‘
عراق میں واقع جن دو فوجی اڈوں پر دس کے قریب بیلسٹک میزائل داغے گئے وہاں امریکی فوجی رہتے ہیں۔
حملوں کے بعد ایرانی صدر کے ایک مشیر نے ٹویٹ میں کہا کہ بدھ کے حملے جنرل قاسم سلیمانی کی ہلاکت کا جواب ہے۔ جنرل سلیمانی گذشتہ ہفتے امریکی ڈرون حملے بغداد ایئر پورٹ کے باہر ہلاک ہوگئے تھے۔
ابتدا میں ایران نے کہا تھا کہ اس نے صرف ایک حملہ کیا ہے لیکن امریکی اہلکاروں نے دو حملوں کی تصدیق کی ہے۔
