تتہ پانی کے نواح میںگوئی روڈ پرٹریکٹر ٹرالی کاالمناک حادثہ، ڈرائیور موقع پر جان بحق۔
حادثہ کی اطلاع ملتے ہی عوام علاقہ جائے حادثہ پر پہنچ گئے۔ متوفی کی میت کے اچانک گھر پہنچنے پر کہرام مچ گیا۔ مذکورہ روڈ پر خستہ حالی کے باعث حادثاث کا رونماہونا معمول بناہواہے۔
تفصیلات کے مطابق تتہ پانی سے ایک ٹریکٹر ٹرالی جس پر ڈرائیور وقاص مغل ولد عارف مغل ساکنہ سہڑہ سیمنٹ لوڈ کر کے لیجارہاتھا ،تتہ پانی گوئی روڈ پر چھتراڑیاں دھنواںکے مقام پر اسے حادثہ پیش آگیا جس کے نتیجہ ڈرائیور وقاص مغل ولد عارف مغل ساکنہ سہڑہ پر جان بحق ہوگیا۔
حادثہ کی اطلاع ملتے ہی عوام علاقہ جائے حادثہ پر پہنچ گئے۔ بعدازاں متوفی کی میت کو آبائی گائوں سہڑہ میں اپنے گھر لیجایاگیا۔ متوفی کی میت کے اچانک گھر پہنچنے پر کہرام مچ گیا۔ سارے علاقہ کا ماحول سوگوار ہوگیا،یاد رہے کہ مذکورہ روڈ پر خستہ حالی کے باعث حادثاث کا رونماہونا معمول بناہواہے،اس سے قبل بھی حادثات میں کہیں قیمتی انسانی جانوں کا ضیاع ہوچکاہے۔
ادھر سابق سنیئر وزیرملک محمد نوازخان ، وزیر ہائیر ایجوکیشن ظفر اقبال ملک، سابق اُمیدوار اسمبلی ذوالفقار علی ملک اور دیگر سیاسی سماجی شخصیات،تتہ پانی کے تاجروں وشہریوں نے اس افسوس ناک واقعہ پر گہرئے دُکھ وافسوس کا اظہار کیا ہے اور جان بحق شخص کے خاندان سے دلی ہمدردی کا اظہارکیا ہے۔
