امریکی سائنسدانوں کی’ ’ سپر ایکسپلوزو‘‘ بنانے کی تیاری

واشنگٹن۔۔۔امریکی سائنسدان ایک نئی قسم کے غیرمعمولی دھماکا خیز مواد ’’ سپر ایکسپلوزو‘‘کی تیار ی پر کام کر رہے ہیں جو جلد ہی عرصہ دراز سے استعمال کئے جانے والے نہایت زہریلے مرکب یعنی ٹرائی نائیٹرو ٹولوئن (ٹی این ٹی) کی جگہ لے لے گا۔ امریکی فوج کی تحقیقاتی لیب سائنسدانوں کے ساتھ مل کر لاس ایلاموس نیشنل لیباریٹری میں پھینک کر پگھلا دینے والے نئے مادہ کا استعمال کرکے ٹی این ٹی کی جگہ لینے والے’ ’ سپر ایکسپلوزو‘‘کی تیاری پر کام کر رہے ہیں۔اہم پیشرفت کے طور پر سائنسدانوں نے اعلیٰ نائٹروجن کا دھماکا خیز مرکب تیار کرلیا ہے جس کے بارے میں کہا جارہا ہے کہ یہ مرکب ٹی این ٹی سے ڈیڑھ گنا زیادہ طاقتور ہونے کیساتھ ساتھ ماحول کیلئے کم نقصان دہ بھی ہے۔