بھارتی ریاست تامل ناڈو میں گزشتہ روز تباہ ہونے والے چیف آف ڈیفنس اسٹاف جنرل بپن راوت کے ہیلی کاپٹر کا کاک پٹ وائس ریکارڈ مل گیا ہے۔ تامل ناڈو میں گر کر تباہ ہونے والے فوجی ہیلی کاپٹر کی تحقیقات میں اہم پیش رفت سامنے آئی ہے۔
حادثے میں ہلاک جنرل بپن راوت کی آخری رسومات آج ادا کی جائیں گی
تباہ ہونے والے ہیلی کاپٹر کا فلائٹ ڈیٹا ریکارڈر اور کاک پٹ وائس ریکارڈر برآمد کر لیا گیا ہے۔ یاد رہے کہ گزشتہ روز تامل ناڈو میں بھارت کے پہلے چیف ڈیفنس آف اسٹاف جنرل بپن راوت ہیلی کاپٹر حادثے میں اہلیہ مدھولکا راوت اور دیگر 11 اہلکاروں سمیت ہلاک ہو گئے تھے جبکہ حادثے میں ایک شخص معجزانہ طور پر بچ گیا تھا جو شدید زخمی حالت میں اسپتال میں زیر علاج ہے۔
