2022 کا سال اپنے آغاز سے ہی پاکستانی خواتین کے لیے مبثت ثابت ہوا ہے۔
انتظامی شعبہ ہو یا کھیلوں کا میدان، تعلیم ہو یا انسانی حقوق، پاکستانی خواتین ہر میدان میں ابھر کر سامنے آ رہی ہیں اور قومی اور بین الاقوامی سطح پر اپنا اور ملک و قوم کا نام روشن کر رہی ہیں۔
2022 کے آغاز میں ہی پاکستانی خواتین نے اپنی قابلیت اور محنت کے باعث قومی اور عالمی سطح کے اعزازات اپنے نام کئے، ایسا لگ رہا ہے کہ یہ سال پاکستانی خواتین کے لیے کافی اہم ثابت ہوگا۔
جن خواتین نے اس سال کے آغاز سے ہی قومی اور بین الاقوامی سطح پر کامیابیاں اور اعزازات اپنے نام کئے انکا مختصر تزکرہ بذیل ہے۔
عائشہ ملک
جسٹس عائشہ ملک نے سپریم کورٹ آف پاکستان کی پہلی خاتون جج کی حیثیت سے حلف اٹھایا۔ ان کی حلف برداری کی تقریب آج سپریم کورٹ میں منعقد ہوئی اور چیف جسٹس آف پاکستان گلزار احمد نے ان سے حلف لیا۔ تقریب میں سپریم کورٹ کے ججز، اٹارنی جنرلز اور وکلاء کی بڑی تعداد نے شرکت کی۔ چیف جسٹس نے کہا کہ جسٹس عائشہ کی تقرری ان کی میرٹ کی بنیاد پر کی گئی ہے۔ اس کا کریڈٹ کوئی نہیں لے سکتا۔
A powerful picture symbolises the women empowerment in Pakistan, I hope she will be an asset to our Judicial hierarchy… Congratulations #JusticeAyeshaMalik a land mark elevation pic.twitter.com/BZplrXquOK
— Ch Fawad Hussain (@fawadchaudhry) January 24, 2022
وفاقی وزیر برائے اطلاعات و نشریات فواد چودھری نے عائشہ ملک کو اپنے ٹویٹ میں مبارک باد دیتے ہوئے کہا کہ وہ پاکستان میں خواتین کو بااختیار بنانے کی علامت ہیں۔ مجھے امید ہے کہ وہ ہمارے عدالتی نظام کا اثاثہ ثابت ہوں گی۔
فاطمہ ثناء
اکستان ویمن کرکٹ ٹیم کی تیز گیند باز فاطمہ ثناء کو اتوار کو انٹرنیشنل کرکٹ کونسل کی ویمن ایمرجنگ کرکٹر آف دی ایئر2021 کے لیے نامزد کیا گیا۔ فاطمہ آئی سی سی ایوارڈ جیتنے والی پہلی پاکستانی خاتون کرکٹر بن گئیں۔ 20 سالہ فاسٹ باؤلر کا قومی کرکٹ ٹیم کے ساتھ ایک غیر معمولی سال گزرا۔ انھوں نے سال 2021 کے دوران 23.95 کی اوسط سے 24 وکٹیں حاصل کیں اور 16 بین الاقوامی میچوں میں 16.50 کی اوسط سے 165 رنز بنائے۔
آئی سی سی نے کہا کہ وہ اپنی وکٹ لینے کی صلاحیت اور بیک وقت آرڈر کے نیچے آسان رنز بنانے کی صلاحیت کی وجہ سے پاکستان کی ون ڈے اور ٹی ٹوئنٹی ٹیموں کا حصہ بن گئیں۔ ثنا کی سب سے یادگار کارکردگی جولائی میں کیریبین میں دیکھی گئی جب انھوں نے ون ڈے میں اپنی پہلی پانچ وکٹیں حاصل کیں اور 28 رنز کی جارحانہ اننگز کھیل کر پاکستان کو 22 رنز سے فتح دلائی۔
پروین رحمان
گوگل نے گزشتہ ہفتے پاکستانی انسانی حقوق کی کارکن پروین رحمان کو ان کی 65ویں سالگرہ پر ڈوڈل کے ذریعے خراج عقیدت پیش کیا۔ ملک کے سب سے بڑے شہر کراچی میں اعلیٰ ترقیاتی کارکنوں کے طور پر بڑے پیمانے پر سراہا جانے والی پروین رحمان نے اورنگی پائلٹ پروجیکٹ کی قیادت کی۔ جو کہ سب سے کامیاب غیر منافع بخش پروگراموں میں سے ایک ہے۔ یہ پروگرام جنوبی ایشیائی ملک میں مقامی کمیونٹیز کو غربت سے بچنے میں مدد کرتا ہے۔
اپنی کامیابیوں پر کراچی میں مقیم امدادی کارکن کو حکومت کی جانب سے ستارہ شجاعت سمیت مختلف اعزازات سے نوازا گیا۔ ان کے قتل کے آٹھ سال بعد بھی سول سوسائٹی نامور شہری منصوبہ ساز اور سماجی کارکن کی جدوجہد کی تعظیم جاری رکھے ہوئے ہیں۔
پروین چار بہن بھائیوں میں سب سے چھوٹی تھی اور خطرات کو جاننے کے باوجود انھوں نے اپنی جدوجہد جاری رکھی۔ 13مارچ 2013 کو اپنے دفتر سے گھر کے لیے نکلنے کے چند منٹ بعد بنارس فلائی اوور پر ان کی گاڑی پر فائرنگ کرکے انہیں قتل کر دیا گیا۔
ایوا بی
پہلی خاتون بلوچی ریپر ایوا بی نے سماجی رکاوٹوں اور مشکلات کا مقابلہ کیا اور پاکستان کے ریپ کلچر کی سرحدوں کو آگے بڑھایا جو کہ پنجابی ہٹس کا غلبہ ہے۔ یہ بلوچی گانا عابدہ پروین اور نصیبو لال کے “تو جھوم” کے بعد کوک اسٹوڈیو کے نئے سیزن کا دوسرا ٹریک ہے جو دنیا بھر کے موسیقی کے شائقین کو پیش کیا گیا ہے۔ حجاب پہنے ہوئے ریپر کو پیش کرتے ہوئے گانا “کان یاری” اپنی ریلیز کے تیسرے دن ہی تقریباً 3.2 ملین ویوز کے ساتھ یوٹیوب کی ٹاپ ٹرینڈنگ ویڈیوز میں شامل ہے۔
ایک انٹرویو میں بلوچی ریپر ایوا بی نے اپنے نام کے پیچھے معنی پر روشنی ڈالی۔ ایوا کائنات کی پہلی خاتون، ام حوا کو خراج تحسین ہے، جبکہ حرف ‘بی’ اس کی بلوچ شناخت کو ظاہر کرتا ہے۔
کوک اسٹوڈیو سے بات کرتے ہوئے، ریپر نے حال ہی میں بتایا کہ وہ ایمینیم کا گانا سننے کے بعد کس طرح ریپ گانوں کی طرف راغب ہوئی۔
سیدہ ماہ نور نمل یونیورسٹی میں ماس کمیونیکیشن کی طالبہ ہیں۔ وہ سماجی مسائل پر رپورٹنگ اور میزبانی میں دلچسپی رکھتی ہیں۔
ان دنوں وہ کشمیر لنک کے ساتھ انٹرن رپورٹر کے طور پر منسلک ہیں
@mahnoor_alishah
“کیا واقعی 2022 پاکستانی خواتین کا سال ثابت ہو سکتا ہے؟” ایک تبصرہ