پنجاب میں نگران وزیراعلیٰ کیلئے پارلیمانی کمیٹی کا اجلاس بدھ کو بلانے پر اتفاق

لاہور: پنجاب میں نگران وزیراعلیٰ کیلئے پارلیمانی کمیٹی کا اجلاس بدھ کے روز بلانے پر اتفاق کیا گیا ہے جب کہ بلوچستان میں اب تک پارلیمانی کمیٹی کا قیام عمل میں نہیں آسکا ہے۔پنجاب میں نگران وزیراعلیٰ کے لیے پہلے سابق چیف سیکریٹری ناصر کھوسہ کےنام پر اتفاق کیا گیا تاہم چیئرمین تحریک انصاف نے بعد میں یہ نام واپس لے لیا جس پر شدید تنقید کی گئی۔تحریک انصاف نے بعد میں نگران وزیراعلیٰ کے لیے جو نام پیش کیے اس پر پی ٹی آئی رہنما محمود الرشید اور فواد چوہدری آمنے سامنے آگئے۔